Si aad u noqoto qof wanaagsan oo nolasha aduunka ay u hagaagsan tahay oo aan ciriiri iyo qahar midna aan ku nooleyn , waxaa lagaaga baahan yahay inaad ilaaliso qodobadaan soo socda:
- Iimaanka iyo camalka wanaagsan waa sirta nolashaada wanaagsan , ee ku dadaal labaasi.
- Raadi cilmiga iyo aqoonta , kuna dalaal in badan inaad akhriso siirada dadkii wanaagsanaa sida saxaabada iyo salafka.
- Mar walbo towbada cusbeneysii kana tag macaasida iyo fisqiga , waayo waxay burburinayaan nolashaada wanaagsan.
- Waxaad laasimtaa akhrinta qur’aanka kariimka adigoo micnihiisan iyo fahamkiisa qalbiga la raacraacaayo , sidoo kale badi xuska Allaah.
- Dadka usamey wanaaga noocyadiisa kala duwan , arintaas qalbiga ayaa ciriiriga uga baxa.
- Qalbigaaga ka nadiifi cuqdad iyo xaasidnimada iwm.
- Iska yarey hadalka maalayacniga ah iyo qosolka badan , waayo arintaas qalbiga ayey madobeysaa.
- Iska yarey xanaaqa badan oo samirka badso , waayo nolasha waa wax gaaban.
- Ku qanac waxa uu Alle ku siiyey , haduu ahaan lahaa caafimaadka , maalka , caruurta iyo ehelka iwm.
- Ku dadaal oo joogtey jimicsiga kana war qab caafimaadkaaga , jirka fiyow ayuu caqliga fiyow ku jiraa.
Mahadsanidiin